JUANTO APEZETXEARI |
ELKARRIZKETA | |||
-Noiz eta non jaio zinen? Donostian, baina ni Nafarra
naiz Oieregikoa. Nire gurasoak horkoak dira baina orain Donezteben bizi
dira. Donostian bizi nintzen baina urte batez bakarrik, nire gurasoek
hor egiten zutelako lan, eta horregatik jaio nintzen hor. -Zer eta non ikasi zenuen? Zenbat urtez? Institutuan ibili nintzen
Oronozen, gero ingenieritza teknikoa ikasi nuen Atarrabian eta gero joan
nintzen INEF ikastera Lleidara, eta han egon nintzen 5 urtez, eta gero
hasi nintzen lan egiten hezkuntzan eta udaletxe batzuetan. -Zein lan izan duzu zure bizitza osoan zehar? Ba, hezkuntzaren arloan eta
kudeaketaren arloan, udaletxeetan eta horrela. -Zein da eskubaloia aukeratzearen arrazoia? Ba egia esan ez dakit,
txikitan hasi nintzen Donezteben jokatzen eta hori zen ia aukera
bakarra. Orduan hasi nintzen eta leporaino sartu nintzen. Gero konturatu
nintzen nire pasioa entrenatzea zela, eta 21 urterekin jokatzeari utzi
nion eta entrenatzen hasi nintzen, beno entrenatzen 17 urterekin hasi
nintzen. -Eskubaloiaz aparte, beste hobbiren bat al daukazu? Bai, ni normalean astero
paletan jolasten dut, hori da batez ere nire hobbirik handiena, azkenean
eskubaloia da lana baina erlaxatzeko paletan jolasten dut. Eta gero ba,
gustatzen zait kirola egitea: bizikleta edo korrika egitea.
Astean lautan gutxienez egiten dut zerbait. -Zu nahiko ospetsua izan zara bi gauza garrantzitsu egiteagatik: Itxako
Super ligara igotzeagatik eta Helvetia Anaitasuna División de Honorrera
igotzeagatik. Zuk uste duzu meritu guztia zuk daukazula edo jokalariek
daukatela? Jokalariek dudarik gabe. Nik
ez dut golik sartzen eta ia-ia ez dut ezer egiten, jokalariak dira
garrantzitsuenak eta inportanteenak. Entrenatzaileok saiatzen gara
zerbait egiten, konpontzen. -Zenbat urtez egon zinen Itxako eskubaloi taldea entrenatzen? Duela zenbat
hasi zinen Helvetia Anaitasuna entrenatzen? 2 urte eta erdi egon nintzen
Itxako eskubaloi taldea entrenatzen, nahiko ongi baina neskak
entrenatzea oso zaila da, niretzat behintzat bai, oso ezberdina baita.
Harremanak oso konplexuak baitira haien artean. Baina beno azkenean
klasifikatu egin ginen Europan sartzeko eta orduan momentu horretan ezin
nuen konpajinatu nire lana institutuetan eta entrenatzaile lanararekin,
lizentzia bat ezin izan nuen lortu eta orduan utzi egin nuen. Eta gero
Anaitasunara itzuli nintzen eta Anaitasunan 5 urte daramat. -Itxako entrenatu baino lehenago beste talderik entrenatu al zenuen? Bai, Anaitasunan bertan
División de Honor B-n eta baita Nafarroako kadeteen selekzioan,
Maristasen...
|
|
-Zein desberdintasun dago nesken talde bat eta mutilen talde bat
entrenatzean? Uf, oso zaila da hori
azaltzea, nik esango nuke neskak konplexuagoak zaretela, gu gizonak oso
sinpleak gara. Zuei ulertzea oso zaila da niretzat. Baina hala ere
badauzka bere alde onak adibidez oso langileak zarete. -Momentu txarrik izan al duzu entrenatzerako orduan? Bai beti, momentu txarrak
momentu onak, baina hori eguneroko gauza da, eta batzuetan oso kezkatuta
joaten naiz etxera, haserre... eta beste batzuetan justu kontrakoa. -Eta guztia bertan behera uzteko gogoa? Bai, baina ez dakit, baina
denboraldiaren hasieran konpromisoa hartzen duzu eta horrekin jarraitu
behar da. Adibidez aurten nire intentzioa zen institutuan lanik ez
egitea, eta entrenatzen jarraitu baina azkenean lortu genuen lotzea eta
institutua aurten berria da niretzat eta azkenean esfortzu hori egiten
ari naiz, ez dakit nola bukatuko dudan maiatzean. -Zeintzuk izan dira momenturik onenak? Ez dakit, agian momentu
bateko lorpena, baina egunero daude momentu onak eta momentu txarrak.
Agian hori da gehien gustatzen zaidana eguneroko gauzak, egunero egiten
dituzun helburu txikiak lortzea. -Zerk eraman zintuen irakaslea izatera? Ba ez dakit, ni beti ibili
izan naiz txikiak entrenatzen, batxilerrean garbi nuen INEF egitea
gustokoa nuela, kirolen mundua beti izan da nire gustokoa. Beti gustatu
zait kirol munduarekin zer ikusirik zuen zerbait egitea. -Zenbat ikastolatan egon zara klaseak ematen? Ba, hasieran interino ibili
nintzen. Hemen Iruñan Maristas-en, Burlatan, Donibanen, Lizarran,
Vianan, Altsasun, Karkastillon, San Adrian-en eta Lodosan. -Gustura zaude IES Zizur institutuan? Hurrengo urtean ahal izanez gero,
hemen gelditzea gustatuko litzaizuke? Bai, oso gustora nago. Bai,
printzipioz 5 urtez egongo naiz hemen, konpromiso bat daukadalako
Nafarroako Gobernuarekin euskarazko birziklaia egiteagatik. -Zer egiten duzu zuk, zure ikasleek egoera fisiko hori hobetu dezaten? Beno hori badakizue ez?
Kurtsoaren arabera, desberdina da adibidez DBHko 2.kurtsoan edo
Batxilergoan. Batxilergoan azkenengo helburua da, zuek zuen kabuz
zerbait egitea, ez dakit, saltsa hori zuen barruan sartzea eta ez dakit
motibatzea. 2. edo 3. DBHen aldiz, klaseak ez dira autoritarioak baizik
eta zuzenketak eta horrelakoak egin behar dira. Azkenengo helburua hori
da, zuen kabuz motibatzea eta idenpendentzia lortzea arlo honetan. -Beno ba, eskerrik asko gure galderei erantzuteagatik. Bale ba, zuei.
|
||
|
||||
Egileak: Andrea Álvarez eta Olatz
Tirapu |
||||